【早買「棗」享受】
《煲湯》從來唔自私，有好嘢點會收收埋埋？今次為大家引入咗新嘢：中東椰棗！仲決定公開兩「棗」秘方，等大家可以知道中東椰棗同《煲湯》元祖成員金絲蜜棗有咩唔同功效，包你一定入啱棗！
中東椰棗呢個來自巴基斯坦嘅新成員，味道比起金絲蜜棗就清甜啲，不過就好似菠蘿包無菠蘿味一樣，椰棗都係無椰子味㗎！個名係就係流流哋，但佢嘅功效真心堅。佢生於沙漠地帶，含有豐富營養，例如纖維、果糖、鉀、鐵質同維他命A等，有「沙漠麪包」之稱，係國民食物嚟㗎 ！六大主要功效包括：
—強心
—健肝
—護眼
—高能量
—活腦
—幫助消化
傳統食開嘅金絲蜜棗都唔可以睇小！佢個「金」身，更加非一日可煉成！《煲湯》所揀選嘅金絲蜜棗來自中國梧州，由普通一粒棗，經過反覆加工程序，過完「劃縫」、「糖煮」同「烘烤」呢三大關，先可以煉成「金」身。本身嘅營養包括蛋白質、鈣、鐵、蘆丁同維他命B12等都會保留，發揮六大主要功效：
—健脾胃
—滋陰養血
—潤肺強腎
—補氣活血
—養心安神
—緩和藥性
結論係兩棗都老少咸宜，可以加入煲湯、煲糖水、整甜品，清心潤肺！絕對係早買「棗」享受，遲買好難受！
