【長壽三大秘訣】
香港人出名活到老做到老，長壽嚟講，香港其實已經係世界級！唔係假設緊大家都有120歲，而係香港真係連續三年成為世界長壽第一！連「長壽國」日本都甘拜下風！
香港地人多車多工作多，地少笑少空閒少，點解會咁長壽呢？除咗環境愈惡劣生命力愈強呢個法則之外，都仲有三大秘訣嘅！
第一－ 煲湯！想當係指我哋舖頭都可以（笑），其實係煲一煲湯。
呢點亦符合我哋理念：「醫食同源」—— 將傳統中藥材安全互配，融入於每晚嘅飯桌之中，既容易吸收，又健脾、開胃、養生。只要配搭得宜，即可大大減少有病睇醫生嘅機會，亦有助舒緩病症。
第二－社交：食療以外，亦要保持心理健康。
一有心事，要大大聲訴說，呢一點香港人唔會唔明白～此外，晚飯時一邊飲碗暖入心嘅湯水，一邊同家人分享日常大小事情，亦係舒緩壓力嘅一種好方法！食完飯再上網「討論」一番，仲可達睡前「淨化心靈」嘅效果呢～
第三－工作：唔係奴性太重，工作有時真係一種心靈寄託。
唔少退休人士都會面臨急速衰老嘅問題，失去工作就好似失去生活寄託。正所謂「得閒屎唔得閒病」，搵一份自己喜愛的工作很重要！香港人真係好鐘意返工㗎！！（曲線要講明）
搵一份喜愛的工作，放工回到喜愛的家，煲一煲喜愛的湯，與喜愛的人一同分享，實屬長壽之方。香港人，加油！
